GO Guraso Ordezkaritzaren lehen bilera

2022-2023 Ikasturte hasieran egindako batzar pedagogikoetan azaldu bezala, ikastolako komunikazioa sendotu eta modu aktiboan partaidetza bultzatzeko xedez, GO-Guraso Ordezkaritza figura berrartu eta indartzeko asmoa erakutsi zuten Artezkaritzako kideek.

Bolondresak eskatzen ziren egitasmo honen parte aktibo izateko, hau da, maila bakoitzeko guraso-ordezkari bat edo bi gura ziren mailako familia kideen aho-belarri izateko (kezka eta ekarpenak jasoz) eta ikastolak bultzatu gura dituen ekimenetan partaidetza zuzena sustatzeko.

Atzoko egunez batu zen lehenego aldiz guraso ordezkaritza. GO figura bezala izendatu ziren ordezkariak, eta komunikazio kanal honen bitartez taldea aurkeztuko zela ebatzi zuen, familia bakoitzak bere ordezkariari izen eta aurpegia ipintzeko.

Mailako ordezkarien zerrenda honegaz batera, maila bakoitzak izango duen ordezkaritzak helbide elektronikoa ere atxikitu dugu. Bertara, familia bezala dituzuen kezkak eta ekarpenak bideratu ditzakezue zuen mailako GO ordezkariengana, beti ere ikuspuntu orokor batetik.

Ikusten duzuenez, hiru maila ordezkaririk barik daude oraindik, beraz gonbitea luzatzen dizuegu falta direnei parte hartzeko. Helburua maila guztiak ordezkatuta egotea denez, zozketara joko genuke ordezkaritza oso bat lortzeko ikastolako maila/urte guztietan.