Bazkalosteak ekintzaz beteta ditugu, hemen azken egunetan landutakoak:
Sasoian sasoi: Urtarrilean lantzeko proposatu diguten barazkia, azalorea da. Azalpen txikia (jatorria, onurak, egin daitezkeen errezetak…), ipuina eta “ardien ekintza” egin dugu. Azalpena eta ipuina bosgarren mailako ikasle batzuk eman zieten lehenengo mailako ikasleei.
Kartoizko koadroak + janari xahuketaren aurkako mezuak: Birziklatutako kartoizko kutxekin eta arrautza kutxekin animalien koadro batzuk egin ditugu, eta horietako batzuetan janari xahuketaren kontrako mezuak idazteko aprobetxatu dugu. Helburuak:
- Ingurumen-kontzientzia sustatzea: Jarduera honek, neurri batean bada ere, ingurumen-kontzientzia sustatzea bilatzen du material birziklatuak erabiltzean, ikasleei berrerabiltzearen eta birziklatzearen garrantziaz irakatsiz.
- Sormena eta adierazpen artistikoa garatzea: Ikasleek haien sormena adierazteko aukera izan dute animalien koadroak material sinpleekin sortuz, hala nola kartoizko kaxekin eta arrautza-kutxekin. Horrek adierazpen artistikoa eta pentsamendu sortzailea sustatzen du.
- Elikagaiak xahutzeari buruzko sentsibilizazioa: Koadroetan janaria xahutzearen aurkako mezuak gehitzen direnean, haurrek elikagaiak ez xahutzearen garrantziaz eta haien kontsumoaz jabetzea bilatzen da.
