Azaroak 25, Emakumeenganako indarkeriaren aurkako Nazioarteko Eguna
Kurutziaga Ikastolako familia horiek:
Aurtengo azaroaren 25a hurbiltzen ari den honetan zuengana jotzen dugu inplikazioa eta elkarlana eskatzeko asmoz. Jakingo duzuen moduan, urtero, azaroaren 25ean Emakumeenganako indarkeriaren aurkako Nazioarteko Eguna ospatzen da. Ikastolan gai honen inguruko lanketa egingo dugu maila guztietan hainbat eratan.
Aurtengoan eguna bera igandea izango da, baina guk gaiari aurreko egunetan egingo diogu lekua ikastolan. Egun eta aldarri honen inguruko ekintza kolektiboa baina, ostiralean, azaroaren 23an, ospatuko dugu.
Azaroaren 23rako hurrengo deialdia egin nahi dizuegu ikastolatik:
- Ikastolara morez jantzita etorri.
- Zuen seme-alabekin argazki kolektiboa aterako dugu jantoki aurrean 14:20an.
Eta nola ez, asteburuan Durangon ospatuko diren ekintza desberdinetan parte hartzeko deia ere egin nahi dizuegu, hala nola, II.EMAKUMEEN LASTERKETAn (informazioa gehiago behean)
Bestetik, Emakundek proposatzen duen Puntu Lilaren zabalkundearekin bat egin nahi dugu, sinbolo hau publikoki erakusteak berarekin dakarrelako emakume eta gizonen arteko berdintasun eza oinarri duen era honetako indarkeriaren kontrako konpromiso aktiboa. Hilabete honetan zehar honen erabilera egin dezazuen eskatzen dizuegu, irudi hau publikoa egitea zuen mezuetan, zuen webguneetan, sare sozialetan, egoitzetan, eskutitzetan, eta bururatzen zaizuen leku guztietan (sakatu hemen irudia deskargatzeko)
Beste barik, aurretiaz zuen inplikazioa eta parte hartzea eskertuz, agurtzen zaituztegu.
