Astelehenetik hasita (apirilak 12), eta hiruhileko osoan zehar, Basque Teamek eta Ausolanek elkarlanean sortutako “Aktiba zaitez” proiektua landuko dugu jantokiko bazkalosteko tartean. Proiektuaren helburu nagusia ariketa fisikoa, eta bide batez, bizimodu osasungarria sustatzea da, horren ezagunak ez diren hainbat kirol nabarmenduz. Proiektu horren barruan Basque Team-eko partaide diren hiru kirolari olinpikok hainbat erronka proposatuko dizkiete gure ikasleei, bazkalosteko orduan burutu beharko dituztenak. Horretaz gainera, herri kirolak, ginkanak, lasterketak, eta ikasleek aukeratutako kirolen lehiaketak antolatuko ditugu. Helburua mugitzea da!
