Aurten, azaroaren 25a Emakumeenganako Indarkeriaren Aurkako Nazioarteko Egunean ikastolan jai izan dugunez, azaroaren 22an aldarrikatu genuen egun hau. Geletan, indarkeria matxistari buruz hausnartzen, eztabaidatzen eta nahi ditugun tratu onak zeintzuk diren erabakitzen aritu ginen. Honetarako, geletan bakarka eta taldeka egindako hausnarketak izan genituen abiapuntu gela bakoitzean horma-irudi bana sortzeko. Egindako lanak harmailetan jarri genituen ikusgai berariaz prestatutako pankartaren inguruan, ikasleek eta familiek irakurri zitzaten.
