2022/2023 ikasturteko ikastolako eskaintza zabaldu eta aberastu,

balioetan hezteko eta euskararen ezagutza eta erabileran eragiteko

(eskaintza beherago)

 

Ikastolaren esparruan aisialdiari lotzen zaion une zein gune orok haurren heziketan garrantzi handia du. Horregatik, berebiziko garrantzia hartzen du esparru horietan gauzatzen den elkarreragina zein hizkuntzatan ardazten den, horrek baldintzatuko baititu gerora hedatuko diren komunikazio-ohiturak. 

 

Kurutziaga ikastolan, gela barruko jardunak hizkuntzari egiten dion ekarpenak gelaz kanpoko espazioan segida aurkitzea nahi dugu. Gure ikasleek espazioz aldatzean hizkuntzan erdararen aldeko mudarik egin ez dezaten bideak eskaini nahi ditugu zeintzuetan haurrek gela barrutik daramaten euskarazko elkarreragina ez den etengo.

 

Bide horretan, argi ikusten dugu gure ikasleek euskara gozamenarekin lotuz gero, hizkuntzaren erabilera sustatuko dugula. Horregatik, Eskolaz Kanpoko Ekintzen eskaintza aberasteko asmoz, familien eta ikasleen laguntza eske gatoz. Behean daukazuen galdetegia betetzeko tartetxoa hartzeko eskaria egin nahi dizuegu, galdetegi honen bitartez, gure ikasleen gustukoak izan daitezkeen ekintzen berri izango dugu.

 

Galdetegia

 

Horrez gain, 2022/2023 ikasturterako dagoeneko zehaztuta ditugun ekintzak hauetxek dira:

Ekintzaren izenean klik eginez gero, ekintzari buruzko informazio gehiago lortuko duzu.

EKINTZA	KURTSOA	EGUNAK	ORDUTEGIA	PREZIOA
PSIKOMOTRIZITATEA	HH3-LH1	Zehazteke	17:00-18:15	40€
PILOTA	HH 4-HH5	Astearteetan	17:00-18:00	10€
MULTIKIROLA	LH 1-LH3	LH1: Ostegunetan LH2 eta 3: Astearte eta ostegunetan	17:00-18:00	LH1: 10€ LH2 eta 3: 18,38€
XAKEA	LH 1-5	LH1 eta 2: Ostiraletan LH3-5: Ostiraletan LH4-5: Astelehenetan	LH1 eta 2: 17:00-18:00 LH3-5: 18:00-19:00 LH4-5: 17:00-18:00	15€
ESKUBALOIA	LH 4	Astearte eta ostegunetan		18,38€
FUTBOLA	LH 4-6	Asteazken eta ostiraletan		18,38€
SASKIBALOIA	LH 4-6	Astelehen, asteazken eta ostiraletan		18,38€