DBH 3: Cabanillasera irteera

21 martxoa, 2019 | DBH, Oharrak

DBH 3: Cabanillasera irteera

Guraso agurgarriok:

Idatzi honen bidez, zuen seme-alabek DBH3. mailan izango duten irteerari buruzko informazioa eman nahi dizuegu. Aurten, Cabanillasera (Nafarroa) joatea erabaki dugu. Apirilaren , 10,11 eta 12an joango gara, hau da, asteazkenetik ostiralera. Asteazkenean, goizeko 8:45ean irtengo gara ikastolatik, eta ostiralean, 16:30 inguruan helduko gara, ikastolara bertara.

Ekintza hauek egingo ditugu:

  • Apirilak 10: Hontza extrem eta Bardenetan barrena ibilbidea.
  • Apirilak 11: Enciso bailaratik ibilbidea eta Arnedilloko termak
  • Apirilak 12:Olitera bisita.

 

Ikasleek zerrenda honetan agertzen diren gauzak eramatea komeni da:

  • LEHEN EGUNERAKO BAZKARIA.
  • Lo-zakua.
  • Motxila txiki bat.
  • Berokia eta zira edo txubaskeroa.
  • Mendiko botak eta kirol-zapatilak.
  • Bainujantzia eta toalla bat
  • Nezeserra
  • Dutxarako txankletak.
  • Aterki txiki bat.
  • Gizarte-segurantzako txartela.
  • Botikaren bat hartzen ari denak, eraman beharko du; kasu honetan, irakasleari jakinaraztea komeni da.

 

Egun hauetan ere, ikastolako araudiaren arabera jokatuko dugu. Beraz, jarrera desegokiak edo bestelako goraberak egoten badira, ikastolako araudia aplikatuko da.

Mugikorra eta argazki kamera:

  • Ikasleek argazki-kamera eraman dezakete, baina beraiek izango dira ateratako argazkiei ematen dieten erabileraren arduradun.
  • Ez dugu debekatuko telefono mugikorra eramatea, ulertzen baitugu etxetik kanpo daudela eta beraiekin komunikatzeko bidea dela.
  • Ikasleak izango dira, kasu guztietan, eramaten dituzten apariluen arduradun.
  • Denbora librean erabili ahal izango dute; ekintzak egiten ari garenean eta gauez, ostera, ez da onartuko telefono mugikorra erabiltzea.
  • Gauez, kutxa batean batuko ditugu telefono mugikor guztiak, ezelango arazorik egon ez dadin. Beraz, ezaugarriren bat jartzea komeni da.

Oharra: Norbaitek dieta bereziren bat eukiz gero jakinarazi eiguzue aterpetxean esateko.

Irteera honen kostua 70-80 euroko ikasleko izatea aurreikusten da, eta kuotaren bitartez kobratuko dugu.

Martxoaren 29erako jakin behar dugu nortzuk ez diren etorriko irteerara, lekuak erreserbatzeko eta barne-antolaketa zehazteko.