Xaguxar, xaguxator, sorgintxori, gauxori, elizazori, gauainara, sagutxori, sagusar…; ortzadar, erromako zubi, arkoiris, jangoikuan gerrikua, ostruku, ostarku, ostadar…; edota tximista, zimizta, oñestu, inixitu, iñestu, yusturi oñastar, oinaztura…
Euskaltzaindiaren eskutik, Plateruena Kultur Aterpean ikusgai dagoen Euskara Ibiltaria erakusketara hurbildu gara, DBH-3ko ikasleekin, euskararen hitz eta hotsak irakurri, entzun, usaindu eta horiekin jolasteko asmoz. Erakusketa honek Euskararen Herri Hizkeren Atlasa du oinarri. Horrela bada, gure hizkuntza zein aberatsa den hausnartzeko tartea eskaini digu, eta hainbat
bitxikeria ezagutu ditugu. Esperientzia polita eta guztiz gomendagarria edonorentzat. Animatu zaitezte!
