Guraso Ordezkarien lehenengo batzarra: nor garen eta zelan komunikatu gurekin

Ikasturte hasieran egindako batzar pedagogikoetan azaldu bezala, ikastolako komunikazioa sendotu eta modu aktiboan partaidetza bultzatzeko xedez, Guraso Kontseilu bat sortzeko asmoa erakutsi zuten Artezkaritzako kideek.

Bolondresak eskatzen ziren egitasmo honen parte aktibo izateko, hau da, maila bakoitzeko guraso-ordezkari bat edo bi nahi ziren mailako familia kideen aho-belarri izateko (kezka eta ekarpenak jasoz) eta ikastolak bultzatu nahi zituen ekimenetan partaidetza zuzena sustatzeko.

Asteartean batu zen lehenego aldiz guraso ordezkaritza. GO figura bezala izendatu ziren ordezkariak, eta komunikazio kanal honen bitartez taldea aurkeztuko zela ebatzi zen, familia bakoitzak bere ordezkariari izen eta aurpegia ipintzeko, horregatik bada, argazki hau.

Mailako ordezkarien zerrenda honekin batera, maila bakoitzak izango duen ordezkaritzak helbide elektronikoa be atxikitzen da. Bertara, familia bezala dituzuen kezkak eta ekarpenak bideratu ditzakezue zuen mailako GO ordezkariengana, beti ere ikuspuntu orokor batetik.