Garai zail batean, amets kolektibo baten alde lan egin zuten familia askok. Euren denbora, indarra eta baliabideak jarri zituzten euskarazko hezkuntza proiektu bat eraikitzeko: Kurutziaga ikastola. Horietako bat izan zen Maite Agirre. Kurutziagako sortzaileetariko bat izateaz gain, bere familiak erabaki ausarta hartu zuen: etxea hipotekatzea proiektua aurrera ateratzeko. Beste familia batzuek ere beste horrenbeste egin zuten. Keinu horrek ondo erakusten du garai hartako konpromiso maila eta Kurutziaga ikastola eraikitzeko izan zuten indarra.
