Aspaldi aurreratu genizuen legez, datorren azaroaren 10ean ospatuko dugu Kurutziaga Ikastolaren 50, urteurreneko jai egun nagusia. Talde antolatzailea lotu beharrekoak lotzen ari da eta, behin honez gero, egun horretako egitarau aurreratzeko moduan gaude. Gogoratu atzoko, gaurko eta biharko ikastolakideen jaia izan dadin gura dugula, Kurutziagaren komunitatea osatzen dugun guztiona: guraso eta guraso ohi, ikasle eta ikasle ohi, irakasle eta irakasle ohi…
EGITARAUA
Goizeko 10,30etatik 14,30etara Puzgarriak Landakogunean.
12.30etatik 14,30etara eguna girotzeko musika Durangoko kaleetatik.
12:00etan Platerunenean: Ane eta Piratekin parrandan (Irrien lagunak)
14:30etan Bazkaria Landakogunean. Txartelak datorren astetik aurrera salgai Ikastolako idazkaritzan eta internet bidez (jakinaraziko dizuegu helbidea)
Bazkari txartela 20€ (menu begetarianoa egongo da)
Umeen bazkari txartela 10 €
Bazkalostean urteurreneko ekitaldia.
17:00etan LUHARTZ taldearekin erromeria Landakogunean.
