Ikuskizuna:
ATEAREN BESTALDEAN
Konpainia:
Hika Teatroa
Ikuskizun mota:
Familientzako antzerkia
Eguna:
Urtarrilak 26, igandea
Ordua:
18:00
Hizkuntza:
Testurik gabe
Iraupena:
55 min
Web:
www.hikateatroa.eus
@hikateatroa
Prezioa:
4 € (Bazkideak 3 €)
Gomendatutako adin-tartea: 5 urtetik aurrera
Zuzendaritza eta Dramaturgia: Agurtzane Intxaurraga
Aktorea: Sandra Fdez. Agirre
Musika zuzenean: Unai Celaya
Neska aurrera doa bidean, bere atearekin, izan zen bizitza eraikitzen duten oroitzapenez betetako ate-etxearekin. Berriro bizi nahiko lukeen bizitza, oraintxe bertan balitz bezala. Mendiak eta hiriak ibiltzen ditu, ibaiak eta basamortuak zeharkatu, itsasoaren barrenean galdu. Gaur, ordea, zain dago atearen bestaldean. Egun berezia du. Bere urtebetetze eguna. Atea jo dute?
Atearen bestaldean pertsonok egoera kaltegarriak gainditzeko dugun gaitasuna, erresilientzia, alegia, lantzen duen ikuskizun parte-hartzailea da. Ate bat ireki eta gurutzatu. Ikuskizun honek ateak irekitzera gonbidatzen du ikuslea eta bestaldean dagoenaz gozatzera.
