Kaixo, familia hori:
Otsailaren 3tik 14ra bitartean 2025/2026 ikasturterako matrikulazio epe ofiziala zabalik egongo dela jakinarazten dizuegu.
Matrikula hau 2023an jaiotako haurrak dituzten familia guztiek egin behar dute, dagoeneko ikastolan hasita egon arren.
Beraz, zuen seme-alabaren matrikula gauzatzeko idazkaritzara etorri beharko zarete epe horretan, aurretik Alexian txanda hartuz.
Alexia bitartez txanda hartzeko: tutorearekin batzartzeko erabili duzuen sistema bera erabiliz, Idazkaritzarekin txanda hartzeko aukera daukazue gaitua iada.
Sekula ez bazarete Alexian sartu edo zailtasunen bat badaukazue idatzi idazkaritza@kurutziagaikastola.eus helbidera.
Honako dokumentuok ere ekar itzazue:
- Gurasoen edo legezko tutorearen NANaren fotokopiak.
- Ikaslearen Erregistro Zibileko ziurtagiri indibidualaren fotokopia.
- Familiaren bizilekuaren ziurtagiri kolektiboa (gehienez hiru hilabeteko antzinatasunekoa).
