Durangoko Udalak gurasoentzako euskara ikastaroak eskainiko ditu urritik aurrera, Udal Euskaltegiaren bitartez. Horrela, herritarrek behin baino gehiagotan egindako eskaerari erantzuna emango zaio.
NOIZ: 2026ko urritik 2027ko ekainera bitartean.
NON: Durangoko Udal Euskaltegian
IKASTAROAREN EZAUGARRIAK:
– Helburua: gurasoen beharretara egokitutako euskara ikastaroa eskainiko da: seme-alabekin euskaraz komunikatzeko gaitasuna indartzeko, seme-alaben ikasketa-prozesuan laguntzeko edota euskararen erabilera familian sustatzeko.
– 125 ordu guztira: astean bi egun, egun bakoitzean 2 ordu (urritik ekainera bitartean).
– Aurreikusitako ordutegi-aukerak: 09:30-11:30 // 14:30-16:30 // 18:00-20:00 (aukeratzeko).
– Gutxi gorabeherako prezioak: 120€ (hasierako mailak: A0, A1 eta A2) eta 150€ (hortik aurrerako mailak: B1, B2 eta C1).
Hala eta guztiz ere, 2026-2027ko dirulaguntza-deialdia matrikularen zatirik handiena bueltan jasotzeko aukera egongo da.
IZENA EMATEKO TOKIA ETA EPEA: 2026ko irailaren 28ra arte (astelehena), Durangoko Udal Euskaltegian.
Hortaz, ez ezazu aukera hau galdu: jo Udal Euskaltegira matrikula egitera!
Informazio gehiago jaso nahi izatenez gero:
DURANGOKO UDAL EUSKALTEGIA
Murueta Torre auzunea, 21
94 603 00 40 (euskaltegia@durangoeuskaltegia.eus)
