Guraso agurgarriak:
Inika Familia aplikazioa abian jarri ondoren, gure arteko komunikazioa eta barne-kudeaketak errazten jarraitu nahi dugu. Jarraian, aplikazioaren erabilera egokirako bideo tutorialak eta jangelako ohar garrantzitsu bat helarazten dizkizuegu.
- Atal nagusien erabilera (Bideo tutorialak):
Tresna berriaren funtzio nagusiak ezagutzeko, ikusi bideo labur hauek:
- Hutsegiteak HH/LH: ikusi, justifikatu eta kudeatu
- Jarraipena: Ikastolak partekatutako informazio akademikoa ikusteko
- Arau-hausteak: Neurri zuzentzaileen informazioa ikusteko
- Guraso bilerak: Tutoreekin bilerak eskatzeko eta hitzartzeko
- Jangela: Izena emandako egunak kontsultatu eta gorabeherak jakinarazi
- Jangelako datuak egiaztatzea eta justifikatzea (Garrantzitsua):
- Urratsak: Sartu Jangela atalean eta egiaztatu ikasleak jangelan gelditzeko ezarrita dituen egunak zuzenak direla.
- Akatsak: Daturen bat oker egonez gero, bidali mezu bat zuzenean jangelako arduradunari aplikazioaren bidez.
- Kobrantzak: Jantokira huts egiteak Inika bitartez jakinaraztea derrigorrezkoa izango da hilabeteko fakturan ohiko deskontuak islatzeko.
- Laguntza behar duzu?
Edozein zalantza edo arazo teknikoren aurrean, jarri harremanetan ikastolako idazkaritzarekin: idazkaritza@kurutziagaikastola.eus.
Amaitzeko, eskerrak eman nahi dizkizuegu erakutsitako prestutasunagatik. Era berean, tresna berri hau ezartzeko hasierako fase honetan zuen laguntza eta lankidetza ezinbestekoak izango direla gogorarazi nahi dizuegu, guztion artean komunikazio eraginkorrago bat bermatzeko.
Adeitasunez,
