LH 3: Baratze baserri eskolara irteera
Kaixo familia:
Apirilaren 4an, Baratze baserri eskolara joango gara egun biko egonaldia egitera.
Haurrek baserriko bizimodua gertutik ezagutzeko aukera izango dute, eta, besteak beste, ekintza hauek burutuko dituzte: ortuko tailerra, eskulan tailerra, korta tailerra, sukaldaritza…
Giro euskaldun eta ludiko batean, haurren arteko harremanak sendotzea dugu helburu.
Eraman beharrekoak hauek izango dira:
- Lo zakua eta pijama
- Nezeserra: hortzetako eskuila eta pasta, xaboia, eskuoihala, orrazia, txankletak…
- Azpiko arropa
- Lanerako/kirolerako arropa erosoa (praka luzeak derrigorrezkoak dira)
- Euritarako oinetakoak (botak) eta arropa
- Hotzerako arropa
- Aseguru sozialeko txartela (fotokopia)
Irteera: Apirilaren 4an, goizeko 09:00etan (autobusa 09:15etan)
Itzulera: Apirilaren 5ean, arratsaldeko 16:30etan
Irteera honen kostua 85 € izango da eta Ikastolak duen zuen kontu korronte zenbakitik pasako zaizue.
Beste barik,
Irakasleak
